Dagiti Tugot iti dana ti biag…

Dear manang remy,

Awagan dak latta koma iti Pacilitator. Maysaak nga taga Kalahi landia nga naibaon nga umay ditoy Kabugao, Apayao. Bulan ti Mayo idi umuna nga makabaddek kami kadagiti innem nga kakadwak ditoy nga lugar. Awan pulos idi ti am-ammo mi ditoy Kabugao ngem imay kami latta nakigasanggasat, mangnamnama nga makatulong kami kadagiti nakukurapay nga barbaranggay babaen iti panangipadanun kadagiti tulong ti gobyerno tayo ken dagiti adaan nasayaat nga puso nga nangiabot iti tulong panasyal da.

Makuna nga nagasat kami ta nasayaat met ti panangpasangbay ti LGU kanyami. Inikkan dakami iti nasayaat nga pagyanan nga isu metten ti nagbalin nga opisina mi iti las-ud ti duwa nga bulan. Maysa bulan ti napalabas idi manayunan kami iti maysa nga kadwa mi nga inpatulod ti Kalahi Landia. Nasayaaten koma nga pagyanan mi ta malaksid nga addaan kami it privacy, libre pay ti panagyan mi. Isu na laeng ta adayu kami iti centro ket nu ada transaction mi idiay, marigatan kami ta awan met lugan mi. Isu’t gapu na nga nagrequest kami ti opisina ditoy centro. Grupo grupo kami metten nga nagbiruk iti pagyanan mi. Agkakadwa dagiti uppat nga lallaki, sabali met nga balay ti duwa nga kadwa mi ken duwa kemi met ken Florence nga immun-una nga naam-amuk sakbay iti Kalahi Landia.

Dakkel gayam nga karit ti naidistinuan mi ta saan nga nalaka ti mapan dumanun kadagiti barbaryo. Dagiti tarigagay mi nga aramiden ken saan gayam nga basta basta nga maisayangkat ti plano. Naidumduma nga makuna ditoy ta ti makuna nga dalan wenno kalsada ket karayan. Awan gamin ti nasayaat nga dalan nga dumanun kadagiti kaadwan nga baryo isu nga bangka ken pinangnaan latta ti ikasta nga dumanun. Maysa pay nga rigat na ket kanayon ti tudo ket nu kastoy, narigat metten ti bumallasiw ta dakkel unay ken nalawa ti karayan. Ngem uray kaskasatnu, nabalinan mi met nga naaramid dagiti trabaho mi babaen iti tulong dagiti partners mi nga taga-LGU. Nu man pay adda dagiti saan nga pagkikinaawatan gapu ket ngarud ta addu ti nagdudumaan, napagbaliugian mi met dagiti parikot nga simangbay. Nu maipanggep met iti trabaho, nu man pay saan nga perfect ti pannakaaramid na, gagangay met siguro ta umuna ket ngarud nga panakaiimplement na. Agadal tayo kadagiti kapadasan tayo. Iti personal nga kapadasak, adu met dagiti naadal ko nga saan ko pay nga napadpadasan kadagiti immune nga nagtrabahuak. Napadasak metten ti nagsangit gapu iti unget nga saan nga mairuwar. Ta a kas Pacilitator, saan nga rumbeng nga agpakita iti saan nga um-umno nga garaw. Adda met dagiti tiyempo nga kasapulan nga ilisi dagiti prinsipyo tapnu laeng mapasurot dagiti kliyente nga makitrabaho iti misyon tayo. Ti rigat na, saan da nga makita dagiyay nga sacripisyo. Siyempre dagitoy ket sumagmamano lang kadagiti padpadas tayo, adda met a dagiti nararagsak nga pakalaglagipan tayo. Makunak nga nagasatak nga naka-am-amu kadagiti tao nga nangipakita ti kinaimbag da. Dagiti nakitugaw ken nakais-istorya, dagiti nangkadwa iti panagpasyar iti sitios, dagiti nangibalballasiw ken nagibangbangka idiay karayan ken inayon tayo met dagiyay nangisagsagana iti makan. Salamat iti pinangpasangbay da ngem napinpintas koma nu anya latta ti madanun nga adda ket isu koman ti ited da. Nasakit gamin met lang iti rikna nu sobsobra ti itted da nga imbes nga dakami koma ti mangted. Isu ti maysa nga gapu nga nu mamingsan ket alanganin kami nga dumanun kadagiti balbalay ngem anya ngay garud ket trabaho mi ti mangpasyar iti tattao. Ti inar-aramid mi garud ket naggatgatang kami kadagiti groceries nga mabalin met nga ibati mi kadagiti madanunan mi ngem kaskasdi, tagidaksen met ti dadduma.

Attidog sametten daytoy surat ko manang remy isu nga sakbay nga mauma dagiti agbasbasa, iaramidan tayon iti conclusyon na. Maikapito nga bulan mi ditoyen ket umisu metten ti panaglippas ti tawen, isu met ti pannakalpas ti contrata mi iti Kalahi landia. Daytoy maud-udi ng aldaw ket nagpaayab da idiay ngato tapnu maamwan nu sino dagiti agtuloy ditoy Kabugao. No siasino da, diyo koma liwliwayan ti mangbasa iti sumaruno nga passet daytoy nga surat ko.

Toy nagsurat,

Pacilitator